بسم الله الرحمن الرحيم
والصلاة والسلام على أشرف الخلق أجمعين سيدي وسيدكم وسيد الجميع محمد وال بيته الطيبين الطاهرين ..
انا اللي من 21 - 6 - 2008 الى تاريخ 28 - 2 - 2009 أسهر و أطلع على كيفي ، وانام بالمخيم
واطلع اي وقت ابي ، واسافر وارجع واكل على كيفي واتريق واتغدا واتعشى برة ، ما كان هذا الا لأشهر معدودات
مرت بسرعة البرق ، فقد حان اليوم الذي أرجع فيه طالبا للعلم في كلية التربية الأساسية ..
استعد يا حسين ، فقد انتهى وقت اللعب .. والأكل ، وحان وقت الجد والإجتهاد !
كالعادة لمن يكون عندي موعد افكر وايد وايد بالموعد، خاصة لمن يكون الصبح ، شنو راح يصير ، وشراح أسوي ؟
راح يصير الشي اللي ابيه ولا ما يصير ؟ راح يكون زحمة ولا صخة ؟ اوصل مبجر ولا متأخر ؟
ساعه جم أطلع ؟ ساعه جم أرد ؟ أوصل أخوي المدرسة ؟ ولا ما أوصله (يمكن ما ألحق ) ؟
فهالموقف صار معاي ، من بداية الأسبوع اللي طاف لي أمس بالليل و أنا أخطط حق هاليوم ..
طلعت ورحت المسيد وغسلت سيارتي و تعشيت مبجر ورجعت مبجر ، وقعدت على النت مبجر عشان أقوم مبجر وأنام ..
ولا يوصل لي مسج ، من قائمة المستقبل الطلابي بكلية التربية الأساسية ، أن موعد التسجيل تأجّل الى يوم الأثنين ..
مادري صج ؟! يقصون عليي بس الظاهر صج
مو لو كنت مسافر معاك دبي يومين يالبطة أحسن ؟
فننطر يوم الاثنين ونشوف شيصير .. يا حسين !
همسة = عافج الخاطر ...... يا جامعة الكويت !
