المضحك المبكي !

كل من يرى الناس بعين طبعه ..
اعتز و احب وافهم واضحك وابكي على هذا المثل ، السؤال يقول ليش ؟
احنا باللهجه العامية نقول ما يعيب الا المعيوب

بس سبحان الله في هذا الزمان ، نشوف وايد من الناس تقص على نفسها عالفاضي
تشوف وتنشغل بعيوب غيرها ، وما تشوف نفسها واهي اخس منها مافي بالقذارة
تدرون بعد شالمشكلة ؟ تشق واهي مشقوقة !

يعني الصراحة شي يضحك
واحد يتكلم عنك ، واهو من تحت لي تحت اخس منك
يا اخي دام انت مو مترقع وعبالك مافي احد يعرف بسوالفك ليش تتكلم
يعني ما تسوه عليك يوم من الايام ، تييك صاعقة على يبهتك ويقولون لك عيب عليك على اللي قاعد تسويه
انا مادري الناس لي هالدرجة فاضية ولا ماكو شغل ؟ ولا شالسالفة !

مشكلة في غباء البشر في هذا الزمن الأغبر ، ان الكل يفكر بنفسه وما يفكر بغيره
لو كل واحد يشغل مخه شوي ، و ضميره شوي ، ، راح يعرف شنو يعني اعراض الناس اللي يمشي ويتكلم عنها
واخرتها بيوم من الايام راح ينقرص قرصه راح يعرف اهو شنو كان قبل لا ينولد ويعرف قيمته ان ما يسوى
لان الانسان ما كان إلا نطفة ، يعني ما يسوى ولا شي

فيا حبايبي الحلوين ، اللي بيته من زجاج لا يحذف الناس بحجر لان عادي بيوم من الايام ينبط راسك لانك بططت روس الاوادم بيوم من الايام ، فكما تدين تدان


قال النبي صلى الله عليه وآله سلم: إياكم والغيبة فإنها أشد من الزنا لأن الرجل يزني فيتوب، فيتوب الله عليه وإن صاحب الغيبة لا يغفر له إلا إذا غفرها صاحبها .

لو كل واحد فينا يتأمل بهالحديث عدل ، جان ما بطّل حلجه بكلمه وحدة
لان كل واحد لمن يتكلم عن غيره راح يعرف اهو شنو راح تكون قيمته من بعد هالكلام الطيب اللي قاله عن رفيجه المسكين او احد من الناس اللي ما يسلمون من لسانه لمن يمرون جدامه

وعن الامام جعفر الصادق عليه السلام يقول : من أبغض خلق الله عبد اتقى الناس لسانه .

حديث واضح وصريح ، فالامام عليه السلام يتكلم عن فئة ما عندها شغل الا وتعلق على اي شخص يمر جدامها ، وما يدرون بقيمة هذا الانسان اللي يمر جدامهم ، يمكن يكون ولي من اولياء الله ، او يكون من انصار الامام المهدي (عج) ،

بس شنسوي بهالناس الي تفكيرها دنيوي ملوّث !

بالنهاية احب اثني على كل واحد تكلم على احد ، و اشد على ايده واقول له راح اييك اليوم اللي تتمصخر فيه وتتحسف قد شعر راسك .. لانك مقل ما تراقب الناس وتدور عنها الزلة ، الناس مراقبتك وتعرف كل شي عنك ..
ان شاءالله ما حاشكم طشار يا حبايبي :) ، كل واحد فينا يعرف نفسه ..
لذلك
ما يتكلم عن الزبالة ،، الا الزبالة ..


والله من وراء القصد ..

ملاحظة : كل هالكلام طلع من دوخة السهر ..